كتير سمعنا عن دخول القطاع الخاص في كل مجالات البلد وده في ظل توجه الدولة للشراكة مع القطاع الخاص، ومؤخرا الدولة أعلنت عن دخول القطاع الخاص في تشغيل وإدارة المطارات.. يا تري الموضوع ده هيتم ازاي.. وهل الدولة فعلا هتبيع المطارات.
كلنا عارفين أن فيه توجه عام في الدولة حاليا لإشراك القطاع الخاص في إدارة وتشغيل القطاع المختلفة للدولة المصرية، وده واحد من البنود اللي مصر اتفقت عليها مع صندوق النقد الدولي للإصلاح الاقتصادي في مصر،. علشان الدولة بدأت تتخارج من حاجات كتيرة جدا وتدخل في شراكة فيها مع القطاع الخاص.
طيب اية اللي هيحصل في إدارة وتشغيل المطارات وهب الدولة فعلا هتبيع المطارات ؟.
المطارات واحدة من أهم البوابات الرئيسية في أي دولة في العالم وهيا البوابة والأخيرة لاي مسافر في العالم وهيا أول حاجة واخر المسافر بيشوفها اول ما ينزل من الطيارة وقبل ما يركبها لو مسافر دولة خارجية، وعلشان كده الدولة بتصرف عليها ارقام رهيبة وأي مشهد سئ بيحصل في المطارات للاسف بيأثر علي الدولة بشكل عام في قطاع مهم اسمه خصوصا أن السياحة بتعتمد بشكل كبير علي الاستقبال والخدمات اللي بتوفرها الدولة للسائح من اول وصوله للمطار ولحد عودته مصر تانية معاود علي بلده بعد انتهاء اجازته السياحية في مصر .
المطارات في كل دول العالم حاليا متوقفش دورها علي حركة السفر والطيران وهبوط واقلاع الطائرات بس، لا ده كمان بقت مكان اقتصادي بيدخل عمله أجنبية لكل دول العالم خصوصا أن بقي بيضم أنواع كتيرة من أشهر البرندات العالمية واللي عليها طلب عالمي ده غير كمان أن بعض الدول عملت متاحف كبيرة في المطارات لاستقبال المسافرين لقضاء وقت ممتع قبل ركوب الطائرات أو وقت نزولهم في في المطارات كترانزيت لحين السفر لوجهة جديدة، وهي دي مربط الفرس، خصوصا أن المطارات عندنا هنا في مصر مش مستغلة بشكل كبير و الأنشطة الاقتصادية اللي بتقدمها الدولة للراكب مش كتيرة.
الدولة حاليا بدأت تبص للمطارات علي انها لازم تكون مصدر من مصادر الدخل القومي خصوصا ان كل دول العالم مقسمة مصادر الدخل من المطارات بنسبة 70% للأنشطة الاقتصادية و 30% لأنشطة الطيران، خصوصا أن البيع في المطارات بيكون عليه اقبال كبير جدا من المسافرين خصوصا أن بيكون مفهوش جمارك يعني الراكب هيتشري اشهر الماركات باقل الاسعار، وعلشان كده الدولة بتدرس آليات دخول القطاع الخاص في إدارة وتشغيل المطارات وخطوات استغلال كل الاماكن المتاحة لإقامة مشروعات تجارية هتدخل فلوس في خزينة الدولة المصرية وكمان هيكون معاها تطوير للبنية التحتية في المطارات والخدمات اللي بتقدمها الدولة للمسافرين.
الدولة حاليا شايفة كمان أنه عندها مطارات كتيرة في أغلب المحافظات منهم 3 مطارات في العاصمة والجيزة وهما مكار القاهرة الدولي ومطار العاصمة الإدارية الجديدة بالإضافة إلي مكار سفنكس الدولي واللي موجودة في محافظة الجيزة واللي مخصص لخدمة السياحة الوافدة للمتحف المصري الكبير ومنطقة الأهرامات وخدمة المسافرين وحركة البضائع لأهالي محافظات بني سويف والفيوم والمنيا، ده غير المطارات الإقليمية في برج العرب وسوهاج واسيوط وشرم الشيخ والغردقة والأقصر وأسوان المطارات الجديدة زي البردويل وبرانيس وغيرها من المطارات التانية اللي بتكون شرايين الحياة في كل المحافظات وبتكون وسائل احياء السياحة وحركة نقل البضائع والمسافرين بين الدولة، وفعلا الدولة بدأت تحدد الاماكن المخصصة الأنشطة التجارية في كل المطارات وهتبدا تعلن عنها في صيغة مناقصات في الفترة اللي جاية للشركات وطبعا هتدخل لمصر دخل إضافي جديد ومورد جديد للدخل في حزينة الدولة المصرية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
