خلاص الدراسة بدأت والمصاريف كتبت ومحتاج قرض من غير فوايد أو بفوائد رمزية ولو موظف ونفسك في عربية تشتغل عليها أو خاصه.. متقلقش شوف الفيديو ده للآخر وهتعرف التفاصيل كلها.
مع حلول العام الدراسي الجديد ومصاريف مستلزمات المدارس اللي بقت بتشكل اعباء كبيرة على الاهالي، كتير منهم بيدوروا عن طريقة تساعدهم في الحصول على مبالغ مالية منها القروض وايضا الشهادات.
بنك ناصر الاجتماعي، بيتيح قروض لاصحاب المعاشات وكمان للورثة ويمكن الحصول على القرض بدون ضامن، وتختلف مدة تلك القروض منها 5 سنين ومنها عشر سنين.
والقرض الحسن من بنك ناصر بيكون بحد اقصى 75 بالمائة من قيمة المعاش او المرتب، وبتختلف على حسب قيمة المعاش من حالة للتانية، كمان البنك لا يشترط الحصول على ضامن حكومي.
طيب ايه هي المستندات المطلوبة للقرض الحسن ؟
في حالة قمت بالتقديم على القرض من بنك ناصر، كل اللي عليك هو تقديم تلك المستندات وهي الرقم التاميني الخاص بك وصورة من بطاقة الرقم القومي بشرط تكون سارية وايصال مرافق حديث وبيان بنصيبك من المعاش في حالة كنت من ضمن ورثة اصحاب المعاشات.
وبالنسبة للقروض التانية من بنك ناصر فالبنك ليقدم قروض تمويل شراء سيارات اجره وميكروباص لموظفي الحكومه من القطاع العام واصحاب المعاشات وورثه المعاشات واصحاب الاوعيه الادخارية كمان بجانب قرض الموتوسيكلات لتوفير فرص عمل للمواطنين لتحسين دخولهم.
القرض بيكون حسب قيمه الراتب او المعاش بنسبة عبء دين 75% وأما سعر الفايدة فهو 17% لمدة 5 سنين و19% على 10 سنين والمصاريف الإدارية بتكون بنسبة 1,5% من قيمة التمويل وتسدد قبل المنح ، ونسبة 0.75% للجهات المتعاقدة مع البنك .
طيب ايه هي الضمانات المطلوبة لقرض السيارة ؟
اولا أصحاب المرتبات :
تحويل مرتب العميل أو قيمة القسط الشهرى على البنك. بالإضافة الى تقديم ضامن من العاملين بالحكومة أو قطاع الاعمال , أو وثيقة مخاطر عدم السداد التامين على حياة العميل بكامل المدة والمديونية لصالح البنك حظر بيع على السيارة لصالح البنك .
ولأصحاب المعاشات وورثة المعاش فمطلوب منهم تحويل المعاش او حصة وريث المعاش للبنك وفقا للضمانات السابقة عدا تقديم ضامن من جهة حكومية.
وبالنسبة للعاملين بالقطاع الخاص المؤمن عليهم فهيقدموا إقرار من طالب التمويل بالسداد النقدى بالإضافه و سداد نسبه 25% مقدم من قيمة عرض سعر السيارة مع تعهد بتحويل مرتب عدد اتنين من الضامنين تحت الطلب من جهة حكومية
ولاصحاب الودائع فهي بتنقسم الى الوديعه المجمدة داخل البنك ومطلوب في الحالة در تقديم إقرار من طالب التمويل بالسداد النقدى وتقديم وثيقة تأمين على حياه طالب التمويل بالإضافة الى الحظر على السيارة والاعفاء من وثيقة التامين او الحظر وفقا لنسبة المديونية من الوديعة .
اما الوديعه المجمدة بالبنوك الأخرى فهيتم تقديم إقرار من طالب التمويل بالسداد النقدى وخطاب رسمى من البنك الموجود به الوديعة للتحفظ عليها لصالح بنك ناصر
وبالنسبة لاجراءات الحصول على قرض السيارة من بنك ناصر فهي بسيطة وعبارة عن:
طلب الحصول على التمويل
عرض سعر للسيارة
صورة بطاقة الرقم القومى سارية
مفردات مرتب / معاش / بيان بحصة العميل وريث المعاش – وللضامن فى حالة وجد ضامن
وبيان حالة وظيفيه بالنسبة لأصحاب المرتبات ، وبيان معاش لأصحاب المعاشات أو الورثه
وإقرار العميل بالموافقه على إصدار وثيقة التأمين على الحياة - إقرار من العميل بالموافقه على إصدار وثيقة مخاطر عدم السداد فى حال إعتبارها الضمانة المقدمه
واخيرا إيصال مرافق حديث باسم العميل أو أحد أقاربه من الدرجه الأولى.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
