الحكاية بدأت لما في غفلة من الزمن جهات ودول وأجهزة افتكرت إن مصر خلاص وقعت ومش هترجع لو بعد سنين طويلة وخلاص دخلت دايرة الفوضى والاضطرابات وهتغرق في بحور دم لكن فاتهم إن مصر دولة ضد الكسر.. ازاي مصر قدرت تنهض من كبوتها وترجع أقوى من الأول تاني وازاي مشروع واحد كان دليل على عظمة البلد دي.. تعالوا نشوف التفاصيل في الفيديو ده خليكم معانا للآخر.
بعد 2011 البلد كانت شبه واقعة والفوضي في كل الشوارع ومع العنف الاستثمارات هربت والاقتصاد دخل نفق مظلم في دولة عدد سكانها بالملايين وفي نفس الوقت بتعتمد في اكلها على الاستيراد وكان السيسي قدام حلين ملهوش تالت يا إما يسببها كده ويحاول على قد ما يقدر يزق المركب بالامكانيات الموجودة أو إنه يقهر كل التحديات ويعمل بلد جديدة ويخرجها من الفوضى وكان قدام الرئيس حاجتين لازم يحققهم في اسرع وقت أولها الاستقرار الأمني وبعدها بناء بنية أساسية قوية عشان الحاجتين دول هما اللي يقوموا اي اقتصاد ويجذبوا الاستثمار الخارجي.
ونجح السيسي في أول اختبارين في تاريخ مصر ورجع الاستقرار وبعدها بدأت عجلة الاقتصاد تدور بعد تنفيذ مشروعات ضخمة في كل مناحي الاقتصاد وكان النقل من أهم القطاعات اللي بتقوم عليها خطة الدولة لتحسين ظروف الناس المعيشية وبناء اقتصاد قوي ولأن النقل هو عصب اي اقتصاد وتنمية نفذت مصر مشروعات للتاريخ زي الطرق والموانئ وخطوط التجارة وقناة السويس الجديدة ومن هنا بدأت الانطلاقة الكبرى للاقتصاد وحققت مصر اعلي معدلات نمو في العالم وكانت مصر بتجري حرفيا في كل أشكال للتنمية والمشروعات لغاية ما حصل اللي حصل في العالم وأثر على كل الدول بما فيها مصر لكن مصر فضلت مكملة في طريق تطوير قطاعات النقل رغم كل اللي اتحقق فيه من مشروعات عالمية.
من بين مشروعات النقل العملاقة هي تنفيذ شبكة قطارات فاىقة السرعة في أنحاء مصر ولما تخلص المشروعات دي مصر هتبقي صاحبة سادس أكبر شبكة في العالم من النوع دا من النقل وفي الساعات الأخيرة شركة سيمنز الألمانية العملاقة كشفت عن أول قطار فيلارو فائق السرعة في مصر و قدمت سيمنز موبيليتي أول قطار فيلارو فائق السرعة لمصر في معرض إنوترانس 2024، ودا كان بمثابة لحظة محورية في تحديث شبكة السكك الحديدية في البلد ودا اللي قالته المواقع العالمية المتخصصة في النقل واللي هيضيف لشبكة النقل في مصر 2000 كيلومتر بنظام سكك حديدية فائق السرعة.
ولأن الإعلان عن اول قطار من نوعه لمصر اتعمل له احتفال حضره وزير النقل كامل الوزير، ووزير النقل الألماني فولكر ويسينج، والرئيس التنفيذي لشركة سيمنز إيه جي رولاند بوش واللي قال إن قطار فيلارو فائق السرعة لمصر بيعتبر جزء من أسطول أكبر مكون من 41 قطار هيجوب أنحاء مصر بسرعات تصل إلى 250 كم/ساعة.
مايكل بيتر، الرئيس التنفيذي لشركة سيمنز علق على أهمية المشروع في هذا الحدث وقال إن تقديم أول قطار فيلارو فائق السرعة بيعتبر إنجاز مهم في إطار توفير السفر بالسكك الحديدية المستدام للشعب المصري وهو واحد من اكتر القطارات عالية السرعة تقدما في العالم، حيث يشتمل على خبرة تشغيلية لأكثر من 3 مليار كيلومتر.
أهمية المشروع أنه رسالة على إرادة الدولة المصرية وأنها هي البلد اللي قدرت تعمل المعجزات في قطاع النقل الذكي هي نفسها اللي كانت هتوقع من كام سنة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
